جبانه
صعب أفهمنى. صعب أحسنى.صعب أسمعنى.صعب أشوفنى
زمان كنت بخاف من انى مفهمش حد. دلوقتى فاهمه الكل ما عدا انا .بخاف اقرب منى مع انى كتير بحاول لكن برجع بسرعه وأخاف من انى افهم نفسى
بكره تقييد نفسى بنفسى.بكره الحدود اللى بحطها مع نفسى لنفسى.جبانه.
posted by moony at الثلاثاء, مارس ٠٦, ٢٠٠٧
2 Comments:
دايما لحظة المصارحه والمكاشفه معا النفس بتكون صعبه احيانا بنكون بانيين لنفسنا صوره عن نفسنا بنحاول نكون حد تاني غير حقيقتنا...وكل مازاد بعدنا عن نفسنا "حقيقتنا"يزيد احساسنا بالضياع توهان من نوع تاني بس المره دي جوا نفسنا...بنخاف نكتشف اننا حد تاني خالص غير الي احنا عارفينه...بنخاف نخسر احترامنا لنفسنا...ممكن ...بنخاف نكتشف اننا كنا عايشين كدبه كبيره كدبناها علي نفسنا ...ممكن...انتي جواكي بنت متمرده...روح حره ... ده الي انا متاكد منه...كسري كل القيود الي انتي حاطاها لنفسك...انتي الي حاطاها وانتي الوحيده الي تعرف مفاتيحها فين...بس اوعي تأذي نفسك او الي بيحبوكي...وتأكدي ان الراحه ها تيجي معا كسر اول قيد ... و اكتشافك لاماكن جديده في نفسك...او بداية مواجهتك لحقيقتك حقيقة نفسك...الموضوع مش سهل بس يستاهل التعب...المهم اننا نبدأ...و مانخفش
الثلاثاء, ١٣ مارس, ٢٠٠٧
بكره تقييد نفسى بنفسى.بكره الحدود اللى بحطها مع نفسى لنفسى
انا كمان خايفه اكون جبانه من القيود اللى بحط نفسى قيها من الحريه اللى منعت نفسى منها من كل حاجه حبتها ومنعت نفسى منها من كل فرصة جاتنى ومش استغلتها خايفه عمرى يضيع من غير استفيد منه
الأحد, ٠١ أبريل, ٢٠٠٧
إرسال تعليق
<< Home