مش هموت
مش هموت من غيرك ولا هعيش بيك
مش هموت بسببك ولا هعيش على املك
مش عاوزنى مايفرقش مش كل الناس عايزانى
مين اللى عايزنى؟ مش مهم
مش هموت لو ماعازونيش ولا هعيش لو عازونى
المهم انا عايزه مين
لا مش مهم انا عايزه مين
ماهو مش مهم لأنى كدا كدا هموت
بس مش هموت من غيرك و لا هعيش بيك
هموت للأنى لازم اموت
posted by moony at الأربعاء, يوليو ١٢, ٢٠٠٦
15 Comments:
لو مش فارقه بجد مكنتيش كتبتى
تحياتى
الخميس, ١٣ يوليو, ٢٠٠٦
هههههههههههههههههههههههه تصوري انا داخل اعلق ، بس جبلاوي برده سبق وقال المفيد لدرجة اني اتلخمت ونسيت اسلم ..
اوكي عزيزتي ، بعد التحية .. اسمحي لي ان أضيف ..
حقا ما تقولين .. فالموت حق .. ولكن اسمحي لي عزيزتي .. إن كان الأمر كذلك ، فيجب أن تهتمي بأمرين ::
اولاً : تلك الرحلة المسماه بالحياة والتي يجيب علينا ان نختار لها الرفيق قبل الطريق ..كي؟
ثانياً :: قد لا تهتمي انت .. ولكن رفقاً عزيزتي بمن قد يهتم ( بابا ، ماما ، اخواتك ، حبيبك ، اطفالك ، وأطفال الجيران ... وأفكرك بواحد كمان كان بيقف تحت البلكونة زمان ..
اقصد ان فيه ناس في حياتك.. ممكن هم يموتوا من غيرك ، وبسببك ،ويعيشوا بيكي وبأملك ، ولازم تعوزيهم كمان ـ لأن دا كمان مهم .. الا يكفي ذلك لأن ــــــــ ؟؟
السبت, ١٥ يوليو, ٢٠٠٦
والله خاطره رائعه واتمني من التخلص من الحاله النفسيه السيئه التي تنتابك
الأحد, ١٦ يوليو, ٢٠٠٦
اولا انا بشكركم على تعليقاتكم .وبصراحه انا مكتبتش البوست ده عنى او عن حاله انا بمر بيها بس مش عارفه ليه حسيت انى عاوزه اكتبه.
جبلاوى
صدقنى فى ناس مش فارقه معاهم لو اتحطوا فى مواقف معينه هيقولوا نفس الكلام اللى قولته.
يا مصر اكتب اليكى رسائلى
معلش انت و جبلاوى واحد .وماشاءالله دايما بتتفقوا عليا هههههه.
وانا عارفه ان فى ناس عاوزانى و انا طبعا مقدرش استغنى عن ناس و زى ما انا قولت انا ماكنتش بكتب البوست ده عنى انا
وعلى فكره ماكنش حد بيقف تحت البلكونه زمان عندى اصل العماره كانت ايله للسقوط ههههه
بس تعرف مش عارفه ليه من طريقه كلامك بحس انك بابا(او اخويا الكبير لحسن تضايق وتقول انا بكبرك اوى ليه) . من كلامك و نصايحك و ياريت على طول اسمع تعليقاتك
.
محمد مفيد
شكرا ليك يا محمد و انا الحمد لله تمام و حالتى النفسيه كويسة
الاثنين, ١٧ يوليو, ٢٠٠٦
أختى العزيزة موني .. طبعا اتشرف ان يكون لي اخت زييك، واتشرف انك تقرأي ما يرد بين السطور فيماأعلق بة على مدونتك ...وإن ارتقي إلى درجة ان تري فيما اقول نصحاً،فهو شرف اكبر ..والنصح للأصدقاء قبل ان يكون لمن هم اصغر سناً ، فهؤلاء لهم الرعاية !! وبعدين الغبي اللي كان مش بيقف تحت البلكونه بحجة ان العمارة أيلة للسقوط ،، دا بقى من وجهة نظري الشخصية .. الله يسامحه
إلى أخي العزيز جبلاوي ::
تحياتي لك واتمنى زيارتك مره اخرى ..
الأربعاء, ١٩ يوليو, ٢٠٠٦
تدوينة
حلوة بحلاوة
الحياة التى نطمح ان نحياها
ربنا يسعك
وما تعيشى اللحظات الوحشة دى تانى
تحياتى
الثلاثاء, ٠١ أغسطس, ٢٠٠٦
هايلة بجد فعلا ماحدش بيموت لانه مفتقد حد
الأحد, ٠٣ سبتمبر, ٢٠٠٦
علي فكرة انا بعتلك البوست جاوبي عليه
الاثنين, ٠٤ سبتمبر, ٢٠٠٦
انا بعتلك التاج جاوبي عليه سوري مش البوست
الاثنين, ٠٤ سبتمبر, ٢٠٠٦
احيانا يحيا المرء بين كبرياؤه وحبه كلاهما يتنازعانه
ولايعرف ايهما اهم
الا ان الحب يستعاض عنه بالذكري
لكن بماذا نستعيض عن الكبرياء
الأحد, ٢٤ سبتمبر, ٢٠٠٦
مقوله اخري جيده..............
عندما يري المحب نفسه فقط
عندما يضع كل المايير لتواكب فروض عقله
عندما يسبغ علي الطريق افكاره
حينها لامفر
فالمحب هنا ليس بالمحب
بل شخص اناني يسعي الي السيطره
ولايبقي للطرف الاخر الا الالم
و
الكبرياء
الأحد, ٢٤ سبتمبر, ٢٠٠٦
bqpdbq
كلام حلو جدا و انا عاوزاك انت اللى ترد على السؤال اللى انت كتبته ايهما اهم؟
الأحد, ٠١ أكتوبر, ٢٠٠٦
لا شيء يعوض كبرياء
ولا شيء يصلح كبرياء مكسور
فحينها لن يوجد حب
لان المتبقي لن يكون الا بقايا انسان ورماد مشاعر محترقه
نعطي حبنا لمن يستحق ولكن دائما هذا هو الجزء الاصعب في القصه
الأحد, ٠١ أكتوبر, ٢٠٠٦
على رأى المُطرب المشهور
" الحبسجى "
هتسبنى خلاص...
أياً كُنت بئاا :ي
صديق أو حبيب أو حتى أخ :ي
محدش مات م الوحده....
و
و
و
و
" عادى "
:)
الجمعة, ٠٦ أكتوبر, ٢٠٠٦
امير الظلام
هههههههه.الا قولى ايه اسم الالبوم اللى فيه الاغنيه ديه؟
السبت, ٠٧ أكتوبر, ٢٠٠٦
إرسال تعليق
<< Home