الفطار الاخير
اللأذان ادن. فطر بسرعه مع انه كان نفسه ياكل براحه و بهدوء كالعاده وعمال يبص من تحت لتحت على مراته مره وعلى اولاده مره .لكن للاسف لازم يقوم لازم يمشى لاما هتفوته الطياره .راح غسل ايده و سلم علينا. عمال يقدم خطوه و يرجع خطوتين.سلم على مراته وعلى اولاده كان ماسك نفسه لغايه مايمشى لكن مقدرش مع اول عياط وصرخه بنته الصغيره اللى مش فاهمه حاجه غير ان بباها رايح باااى.نزل دموعه و جرى على بره..
الله يلعن الغربه والسفر و الفلوس
posted by moony at الجمعة, أكتوبر ٠٦, ٢٠٠٦
11 Comments:
الله يلعن أبو الغربه...
يلعن أبو الفلوس...
يلعن أبو الأوضاع الغلط...
يلعن أبو العيشه ع اللى عايشينها..
ربنا يرجعه بالسلامه :)
الجمعة, ٠٦ أكتوبر, ٢٠٠٦
البديل هو ان يلعن نفسه عندما يري الحرمان في عيني بنته الصغيره...نحن شعب حكم عليه بالتشرد داخل وطنه وخارجه...ان يعطي زهرة شبابه...لقمامة الصحراء...مقابل حفنه من المال...
الأحد, ٠٨ أكتوبر, ٢٠٠٦
الله يلعن اببو الغربه وابو الفلوس وابو كل حاجه تفرق الانسان عن اعز ما يملك لكي يعيشعم احسن عيشه
ملعون ابو الاوضاع زي ما قال امير الظلام
الأحد, ٠٨ أكتوبر, ٢٠٠٦
اه يا قلبي فكرتيني بالذي مضى
حياتي كلها غربة و غصة الفراق دي عارفاها كويس
بنفارق اهلنا و احنا مش عارفين حنشوفهم تاني و لا لأ
بس ايه العمل؟
يمكن لو بلدنا كانت مستقرة ماديا مكناش سافرنا لكن لما يبقي دكتور الجامعة بياخد 1000 جنية يبقي
السفر اهون
الاثنين, ٠٩ أكتوبر, ٢٠٠٦
الدنيا دى متقسمه 24 قراط
هو عايز فلوس وف المقابل في غربه
دى فرصه اتاحت ليه الوحيده للفلوس
صاحبى مدرس مساعد بالجامعه زى ما استازه كلبوزه بتقول
بياخد 750 جنيه
عرضت عليه يسافر معايا رفض وقال كفايه ان عمر ابنى اول مايقول بابا اكون معاه
منلعنش الغربه
لان دى اختيارات وكل واحد ودماغه
الثلاثاء, ١٠ أكتوبر, ٢٠٠٦
شفتي الناس خدت الموضوع بعمق غريب قوي انا شايف ان الراجل ده بيشتري نفسه بدل ما يقعد قدام عياله ويشوفهم بيتذلوا ويضطر يا اما يبيعهم او يدبحهم او ينتحر يبقى الغربة رحمة ولا لا ؟
ربنا يرجعه بالسلامة وعاوز افكره وافكر نفسي وافكركم بالحكمة الشهيرة (لا تُسرع يا بابا نحن في انتظارك )وكل سنة وانت احلى واجمل ويارب السنة الجاية تكوني مخلصة دراستك بقى... عيب عليكي بيت عَدل ايه وعَوج ايه نخلص الدراسة الاول
الجمعة, ١٣ أكتوبر, ٢٠٠٦
كل سنه وانتى طيبه وعيد ميلاد سعيد
:)
السبت, ١٤ أكتوبر, ٢٠٠٦
امير الظلام
الله يلعن ابو الاوضاع الللى تخلى الواحد يتفرض عليه حاجلت مش عاوز يعملها
وشكرا ليك وربنا يرجع كل واحد مسافر بالسلامه ان شاء الله .
bdpqbd
لا ما يلعنش نفسه يلعن الاوضاع اللى اضطرته لكده لاما بعد كده عياله هما اللى هيلعنوه علشان ما عملهمش حاجه و كان فى ايده فرصه انه يعملهم.
محمد مفيد
امين يا محمد يلعن كل ده و يلعن اللى مخلين الناس مضطريين للسفر واللى وكلين الناس وقاعدجين فى البلد.
كلبوزه لكن سمباتيك
اكيد انتى حاسه و عارفه طبعا الفراق انا بحكى الموضوع ده واللى كان مسافر مش اخويا او ابويا كمان علشان احس بيه اوى ده جوز اختى لكن حسيت اوى باللى حساه اختى و اولادها وباللى هوا حسه.وقولت امال لو كان اللى مسافر ده بابا او اخويا او مثلا لو اجوزت وجوزى سافر هيبقى احساسى ايه.وللاسف مفيش فرص لمعظم الشباب فعلا غير للاسف السفر .وزى ما اتنتى قلتى ان دكتور الجامعه بياخدج الف امال الشباب اللى لسه متخرجه تعمل ايه؟
gbalawy
للاسف يا جبلاوى ساعات مبيبقاش فى اختيارات بيبقا ده الفرصه الوحيده ادامك .او ساعات بيبقا فى اختيارين بس مافيش مقارنه بنهم
انك تعيش وممكن تشتغل فى بلدك بس ماتطلبش انك تجوز او تجيب شقه او تعيش عيشه ادميه .
او انك تسافر بره و ممكن ساعتها تحوش و تجيب شقه و تجوز.
شوفت ان ممكن يكون فى اختيار لكن فى الاخر ميعتبرش اختيار.
الأحد, ١٥ أكتوبر, ٢٠٠٦
المزاجنجى
فعلا فى ناس فاهمه ان الواحد مسافر بارادته و فرحان اوى من الغربه وان ليه مليون اختار ومليون شغل بس هوا بيتأمر ومسافر بره بمزاجه.
وصباح الخير يا مزجنجى انا مخلصه دراسه بقالى سنه ومش مجوزه انت جبت منين انى لسه مخلصتش ومجوزه شكلك الصيام معاك عامل عمايل ههههه
وميرسى اوى ووانت طيب ..
gbalawy
وانت طيب يا جميل
الأحد, ١٥ أكتوبر, ٢٠٠٦
اسمحي لي ان استعير ما تردده العزيزة سمباتيك ..كالتالي :
اللهم ان لي احبة قد قصرت بحقهم و انشغلت عن وصلهم فعطر ايامهم بالايمان و تقبل منهم و منا صالح الاعمال ..امين امين يا رب العالمين و كل عيد و انتم من السعداء المغفور لهم.
واسمحي لي مرة أخرى أن اتقدم بخالص التهاني وأطيب التمنيات بعيد الفطر المبارك ، أعاده الله علينا وعليكم بكل خير يارب.... الحمدلله انه تلات ايام عشان مش تقولي ماهو العيد خلص وتسيبيني اكتب التهاني ..اسف للتأخير .
الثلاثاء, ٢٤ أكتوبر, ٢٠٠٦
يا مصر اكتب لكى رسائلى
وانت طيب و عيد سعيد عليك ان شاء الله يارب وعلى كل البلوجاريه.
الأربعاء, ٢٥ أكتوبر, ٢٠٠٦
إرسال تعليق
<< Home